အဆင်မပြေတာတစ်ခုခုတွေးနေလိုက်

တကယ်ဆို ကဗျာအစား အပေါစားဖြေဖျော်ရေး ချယ်နယ်တစ်ခုကိုပဲ ကိုယ်စိတ်လိုလက်ရကြည့်နေဖို့ကောင်းတယ်။ on/off ဟာ ကိုယ့်လက်ထဲမှာ ကန့်လန့်ကာအစား remote control ရောက်လား။ ကမ်ချီအစား သူမ နှုတ်ခမ်းများ ပိုမို အရသာရှိလာ။ ကျွန်တော်သည် ဇီဇာကြောင်စွာ ရွံရှာတတ်သူဖြစ်သော်လဲ.........ဇာတ်ကားကို အပြီးအထိ ဆက်လက်ကြည့်လိုစိတ်မရှိခဲ့ ၊ သမားဂုဏ်သိပ်ပြတာပဲ ဆရာရယ် .........။ အပစ်အခတ် ၉၆ မိနစ်စာ၊ ဘာကိစ္စ ဒီလောက်တောင်ရေးကြီးခွင်ကျယ်ဖြစ်နေရတာလဲ၊ ဇာတ်ကားက ပိတ်ပစ်ဖို့လောက်သာ၊ ဝှေ့ယမ်းလက်တံများ၊ အရှိန်ရလာသလိုလို၊ ဘီးနစ်သွားသလိုလို၊ ကောင်းကင်ကို ပျံတက်မယ်ဆိုတဲ့ မိုးပျံပူဖောင်းလေး ပြန်နိမ့်ဆင်းလာတာကို ငေးကြည့်ရင်း မဟားပေမယ့် တရားနဲ့ဖြေရ။ ရေဘ၀ဲဘ၀ကို စပြီးသတိထားမိလာတယ်။ အပြေးနဲ့စတဲ့ဇာတ်လမ်းဟာ ဘယ်တော့မှမဆုံးတော့ဘူး။ လက်တွဲပြီး မိုင်းထောင်ထားတဲ့လမ်းကို ဖြတ်လျှောက်ရတဲ့အရသာက အခုလေးတင်ပဲဖြစ်သလိုလို ပျက်သလိုလို၊ ဟော အမြင့်ကြီး၊ ဒိုင်ဗင်ဘုတ်အမြင့်ရှိသလောက်တက်လို့ရတယ်၊ ရေရှိသလောက်ပဲခုန်ချဖို့တော့မမေ့နဲ့နော်၊ သုံးလတစ်ခါ ပြန်လာခဲ့ပါ။ ဒါမှမဟုတ် ......အဆင်ပြေမယ်ဆိုရင်ပေါ့ဗျာ ...ဆရာဝန်ရဲ့အကြည့်ထဲမှာ ဘာလို့ သူ့ကိုယ်သူ နောင်တရနေပုံရတာလဲ။ တကယ်ဆိုမြို့ပြတွေဟာ ဒီလိုပဲ လှပဆန်းကျယ်ခဲ့တာပဲ။ မြင့်မြတ်ကြီးကျယ်သော ရင်သားများဟာ အလှချိတ်ထားတဲ့ ကင်ဆာရောဂါ။ ဘယ်သူမှသတိမပြုမိဘဲ .... ကိုယ့်စိတ်ကိုကိုယ် ဖဲ့ဖဲ့ချနေတဲ့ သူတွေ များလွန်းတဲ့ကမ္ဘာ။ အဆင်မပြေရင် ပိတ်လိုက်။ အဆင်ပြေရင် ဘာလုပ်ရမလဲ။ အဲဒီမေးခွန်းဟာ အခုခေတ်မှာမရှိတော့ဘူး။ အဆင်ပြေရင် အဆင်မပြေတာတစ်ခုခုတွေးနေလိုက်။ ။

ခုန်ခုန်

ခုန်ခုန်

ခုန်နေတဲ့နာရီလက်တံတစ်ခုကစတာပါ။
ခုန်နေတဲ့တေး၊ ခုန်ခုန်၊ ခုန်နေတဲ့သွေး ခုန်ခုန်
ဖြစ်ရပ်မှန်တွေများလွန်းတော့
ခုန်ခုန်နားလည်လိုက်ရပြီ။

တို့နှစ်ယောက်ဟာ
တစ်ယောက်သေမှ
တစ်ယောက်ထွက်ရမယ့်
ဂလက်ဒီယေးတာတွေလား။
မင်းအပွင့်တွေကို
ကာကွယ်ပေးထားတဲ့
ဖဲချပ်ရဲ့နောက်ကျောဟာ
ကိုယ်လား။

နို့ဆီခွက်ဟောင်းလေးတစ်လုံးသာပိုင်ဆိုင်တဲ့ သူတောင်းစားတစ်ယောက်ရဲ့
မနက်ဖြန်အတွက်အချက်၊အခင်းအကျင်း၊ မဲစွယ်တွေနဲ့ မဲဆွယ်ရင် မည်းကုန်မယ် ခုန်ခုန်၊
မသေချာခြင်းတွေထဲကမှ လက်ရှိ ၀င်ငွေမရှိတာတစ်ခုဟာ အခက်ခဲဆုံးတဲ့လား ခုန်ခုန်။
ဘာသာတရားနဲ့ အကြွေးဝယ်ကဒ်တွေကို ဘဏ်တိုင်းနဲ့ ဘာသာတိုင်းက ဒီလောက်ထုတ်ပေးနေတာ
မင်း ကိုယ့်ကို ယုံခဲ့ဖို့ကောင်းတယ်။

ခုန်ခုန် .........
တုံးလည်းမတုံး ကိုက်လည်းမကိုက်တတ်တော့
တုံးတိုက်တိုက် ကျားကိုက်ကိုက်ဟာ
ကိုယ့်အတွက် အလုပ်မဖြစ်ခဲ့ဘူး။

ယောက္ခမရဲ့ အစွယ်တွေအတွက်
တံစဉ်းတစ်လက်မပိုင်ဆိုင်ခဲ့ဘူး။
အဲဒါကြောင့်သူ
ကိုယ့်ကို ထိုးဟပ်ပစ်လိုက်တာ မင်းအမြင်ပဲ။

တကယ်တော့
တစ်ကိုယ်ရည်အောင်မြင်မှုအတွက်နဲ့
တွားသွားရတဲ့
ပြဇာတ်ထဲမှာ
ကိုယ် အံဝင်ဂွင်ကျမဖြစ်ခဲ့ပါဘူး။

ဆိုင်းသံနဲ့ခုန်ခုန်ကတဲ့ ဘီးလူးလိုလို မျောက်လိုလို
ဈေးကွက်စီးပွားရေးစနစ်မှာ
မသိုလှောင်သင့်ဆုံးဟာ
အမှတ်အသားပြုထားတဲ့ ဖဲချပ်များပဲပေါ့။

ခုန်ခုန်..............
ကိုယ်ခုန်ချလိုက်တယ်။
အဆုံးအထိ ပြုတ်ကျသွားဖို့၊
ကိုယ်စတင်လိုက်ပြီ။
အနက်စား အမိုက်စား မိုက်တွင်းဖြစ်ဖြစ်၊
ဖျော်ဖြေမှုသက်သက်ဖွင့်ထားတဲ့ ဂီတသံဖြစ်ဖြစ်၊
ဘ၀မှာ မကြာခဏလိုအပ်တယ် ထင်မိလို့ပေါ့။

March 7 again .........။               ။

ဌညေအ့သျ